Eagles!

Eiginmaðurinn og ég skelltum okkur á Eagles í Globen. Ég fékk þetta í afmælisgjöf frá skrattakollinum mínum og þetta var alveg frábært. Það er enginn smá kraftur í strákunum. (Sumir vilja kalla þá karla en miðað við gæðin á tónleikunu þá tek ég ekki annað í mál en að kalla þá stráka þó þeir séu um sextug þessar elskur) Það var fullt í Globen og ég nenni ekki að tékka á hvað það þýðir að það hafi verið margir en það var alla vega töluverður slatti af fólki.

Þeir spiluðu af mikilli list í þrjá tíma með einni stuttri pásu. Ég get ekki annað en dáðst að því að þeir syngja allir og gera það allir vel. Ennfremur er ég bara ekki frá því að þeir hafi einhvað æft sig á hljóðfæri. Öll gömlu góðu lögin voru tekin í gegn og svo spiluðu þeir talsvert af lögum af nýu plötunni Long road out of Eden (sem ég er búin að panta og hlakka mikið til að fá)

Þetta var alveg svakalega gaman og ég er öfga hamingjusöm að hafa fengið að upplifa þá á sviði. Kannski hver að verða síðastur líka...