Strembin helgi.

Fór til Kalmar eftir vinnu á fimmtudaginn. Við hjálpuðumst að að búa til mat sem var svo boðið upp á eftir jarðaförina. Ég keypti afsakplega fallegar liljur til að hafa á borðinu og þetta var allt mjög rólegt og gott.

Sjálfa jarðaförin fór að öllu leiti vel fram og við erum öll fegin að þessu er aflokið.

Ég nennti svo ekki heim fyrr en í morgun og lagði af stað rétt fyrir 6, keypti kaffi og samloku á bensínstöð. Skaust aðeins inn heima og labbaði svo hingað í vinnuna. Fer svo eftir vinnu á morgun aftur til Kalmar.

Því miður fæ ég ekki húsið og það er þraut fúllt náttúrlega. En við finnum einhvað annað bara. Vonandi betra og flottara bara.

Að öllum líkindum fæ ég ekki tíma hjá vörubíla fyrirtækinu því að úr báðum fyrirtækjunum sínum ætlar han að gera eitt fyrirtæki og þá fær konana sem hefur hugsað um gamla fyrirtækin bæði þar sem hún hefur unnið mun lengur hjá honom. En það eins og annað kemur í ljós. Að öllum líkindum er best fyrir mig að fara að spá í atvinnumálin. Þá hefði verið gott að vita hvar ég mun búa. Mig langar ekkert að búa í Virserum og eina ástæðan fyrir að ég geri það er að ég er með vinnu hér.

En koma tímar og koma ráð. Allt mjög spennandi einhvað.

Dagarnir líða þó hægt sé

Búin að eiga góð kvöld með frumburanum mínum. Hún alltaf jafn dugleg í skólanum, bara eitt vesen. Tölvu skrattinn hennar vill ekki kveykja á sér. Verð að fara enn og aftur með hana í viðgerð og vonandi gengur það fljótt fyrir sig að laga hana. Og vonandi er hún ekki ónýt.

Í gær gerði ég ekki mikið annað en að þvo þvottinn. Fór að sofa um hálf ellefu. Alveg búin á því.

Eftir vinnu skutla ég frumburanum heim og eftir það veit ég ekki alveg hvað ég geri. Getur verið að ég skreppi til Vetlanda að hitta vin okkar Micke (Já afsakið en maður beygir ekki nöfn á sænsku) Fer allt efter hvort ég heyri í honum í dag eða ekki. Nú og ef ekki þá pakka ég fyrir Kalmarferðina á morgun og fer snemma að sofa.

Annars er ekki mikið að ske.

Ég er búin að vera að tala við konu sem á húsið þar sem Micke býr því ég vil taka það á leigu. Mér heyrðist hún jákvæð í gær en er ekki búin að fá svar. Mér langar ekkert að búa hér og hef mun meiri líkur á að finna mér meiri vinnu í Kalmar svo ég vona að manneskjan fari að láta mig vita og náttúrlega að hún segji já. Ég mundi þá segja upp minni íbúð hér og flytja í desember.

Þetta kemur allt í ljós
Love

Illa sofin og úrill.

Ekki veit ég afhverju en einhvernveginn fór ég ekki að sofa fyrr en um þrjúleytið í nótt. Er þess vegna frekar þreytt. Kannski ekki svo úrill en þreytt og als ekki í vinnu stuði. Langar heim í hádeginu að leggja mig og geri það kannski bara.

Verð að gera laun fyrir tvö fyrirtæki í dag og er mikið að spá í að gera ekki meira en það. Enda kannski nóg bara.

Eftir vinnu þarf ég svo að sækja bílinn sem er á vekstæðinu sínu. Fara og ná í frumburann sem var stolið af mér í gær. Hvað eru börnin manns orðin stór þegar vinir þeirra koma á bíl og sækja þau. Þetta var i fyrsta skipti sem það gerðist og það var mjög furðulegt.

Nú og svo er það þvottahúsið í kvöld. Mitt stóra áhuga mál! En þegar það er klárt get ég verið þó nokkuð ánægð með sjálfan mig. Í gær tók ég nefnilega allt í gégn heima. Þurkaði af öllum listum enda voru þeir orðnir loðnir af ryki. Ryksugaði og skúraði. Srúbbaði klósettið og vaskinn. Þurkaði af öllum skápshurðum og svo bara af öllu öður líka. Pússaði spegla og hvað eina.

Á morgun verður fullt að gera í vinnunni og á fimmtudaginn líka og svo loksins loksins fæ ég að hitta minn heitt elskaða og saknaða mann aftur. Þrír dagar geta verið svakalega lengi að líða stundum. Jarðaför á föstudaginn sem verður sennilega erfit. Helgin svo sennilega bara róleg enda enginn í bana stuði eftir svona föstudag.

Já þetta var nú svona það helsta í bili.

Takida...

You can take away my wings
Because I will never be an angel
You can take away my dreams
I just have one and it's about loving the enemy

You can take away my pride
I don't need it in this forgotten town
You can take away my soul
Forever and always it will be the unknown

How can I be mad at you
When you don't even exist?
No one hears when I cry
Would you care if I died?
Failing point is so near
Is it your fault or is it my mind?

Speak your mind, speak your mind or live on with the lie

No one hears when I cry
Would you care if I died?
Failing point is so near
Is it your fault or is it my mind?

Spennandi

Ný vika. Mánudagarnir koma ört finnst mér. Tíminn líður svo hratt að maður varla nær að fylgjast með.

Frumburinn kom með mér heim í gær. Sótti hana á leið frá Kalmar. Við Micke skelltum okkur sem sé til Kalmar í á laugardaginn ásamt Sirocco. Þar unir hann sér vel og leikur sér mikið við vin sinn Tyson. Við tókum lífinu með ró og kvöldið leið við kjafta gang við eldhúsborðið. Sunnudagurinn var rólegur og góður við horfðum á dvd, sóttum pizzu og hvíldum okkur. Ég hélt heimleiðis ein um fimmleytið og sótti frumburann í leiðinni.

Sökum þreytu fór ég að sofa um tíu og svaf vel og vært til morguns. Í kvöld vil ég fara í langan labbitúr með Sirocco, þrýfa listana í íbúðinni og þurka af og helst koma mér í bælið í fyrra fallinu.

Dásamlegir dagar

Eftir vinnu í gær fórum við skötuhjúin eins og var búið að ákveða í skógar túr. Við fundum svo mikið af sveppum að við nenntum ekki að tína bláber. Við vorum í skóginum í meir en tvo tíma og Sirocco veit orðið ekki hvaðan á hann stendur veðrið að vera sífellt úti í skógi að hlaupa frjáls og liðugur. En hann er ánægður með þetta.

Við tíndum sem sé hálfan inkaupa poka af sveppum (Kantareller) og fórum svo heim að hreinsa, skola og steikja. Micke steikti och kryddaði (enda kokkur og kann ýmislegt í eldhúsinu víst) og á meðan ristaaði ég brauð, lagði á borð og bjó til te. Það er ekki hægt að lýsa því hvað þetta er gott. Bara ekki! #slef#

Þar sem við átum alla sveppina upp til agna í gær er ekki um annað að ræða en fara í annan skógar leiðangur eftir vinnu í dag. Einnota grill verður aftur með í för og veðrið á að vera gott. Stundum er lífið svakalega skemmtilegt.

Frumburinn minn kemur til Smálanda í dag og við ætlum að eiga einhverja daga saman. Ég hlakka til að hitta hana enda skemmtileg og vitiborin manneskja þar á ferð!

Góða helgi

Frábær frídagur!

Fyrst og fremst sváfum við til hálf tíu sem hefur ekki gerst mánuðum saman. Við dúlluðum okkur á fætur og fengum okkur kaffi. Um hálf 11 þegar við vorum búin að spjalla og sötra kaffið fór ég með Sirocco í labbitúr og fór svo að vinna aðeins fyrir sjálfan mig. Á meðan var Sirocco heima hjá Micka og undi sér vel. Honum finnst nefnilega ekki gaman að vinna hjá Byggvab.

Um hálf eitt var ég búin að vinna og skellti mér að versla. Og þegar ég var búin að koma öllu inn í frysti og skápa skelltum við okkur á stað sem kallast Stora Hammarsjön. Þar eru einhvað um 20-30 vötn að hinum og þessum stærðum. Við fórum í langan labbitúr í skóginum, slepptum Sirocco svo hann gæti hlaupið eins og honum listi og nutum þessa að vera til. Við fundum þarna pínu lítil sumarhús sem hægt er að legja og erum að spökulera í að kannski gera það. Þessi staður er dásamlegur og á þessum tíma árs mjög kyrrlátur. Við sáum fjórar, fimm hræður allann tímann sem við vorum þarna.

Þegar við komum heim fór ég í sturtu á meðan Micke eldaði handa okkur sjúklega góðann mat. Þar á eftir fórum við með tölvuna inn í rúm og lágum þar og horfðum á dvd fram að hátta tíma.

Eftir vinnu í dag stendur til að skella sér á sveppa og bláberja veiðar. Við ætlum að taka með okkur einnota grill og pulsur. Og erum að vona að við fáum ristað brauð með smjörsteiktum villisveppum og bláberja paj í kvöld kaffinu.

Stundum fara öll plön fyrir kattarnef

Hvað sem það þýðir.
Helgin var als ekki eins og planið var. Ég skrapp heim í hádeginu á föstudag til að pakka og gera klárt. Fékk þá dapurlegt samtal um að móðirbróðir ástinnar einu hefði fundist látinn heima hjá sér. Ég fór þá beint í vinnuna og pakkaði saman og hélt í blússi til hans. Við keyrðum niður að höfn í Kalmar og sátum þar og horfðum á hafið.Undir kvöld ókum við heim til mín og vorum þar alla helgina. Fórum í nokkra bíltúra og horfðum á marga dvd. Að öðru leiti var helgin frekar róleg.

Ég tók frí í gær og nutum við dagsins uppi í sófa fyrir framan dvd myndir og satt best að segja veit ég ekki hvað við erum búin að sjá margar myndir þessa helgi.

Seinna í dag fæ ég að vita hvað frumburinn minn vill gera. Það kemur allt í ljós þegar ég spjalla við hana á eftir.

Ég finn að bæði líkama og sál langar í rólegheit. Kannski líka kominn tími til.

Have a nice day

Helgin komin á hreint

Ég fer beint eftir vinnu til Kalmar. Goody! Tek Sirra með og verð til sunnudags. Frumburinn kemur svo sennilega til Hultsfred á mánudag og mun ég sækja hana þar. Svo er stefnan að hafa stelpukvöld mánudag og þriðjudag. Fara og versla í Kalmar á miðvikudag og svo sjáum við til.

Skellti mér í bælið um 22 í gær, svaf ágætlega og til sjö. Hund löt og fékk mér coco popps í morgunverð. Maður spyr sig: er ég gengin í barndóm? Maður spyr sig líka: Hvort ætli sé betra að fá sér dísætt morgunkorn í morgunmat eða að sleppa honum alveg? Já ég spyr mig að þessu alla vega.

Í hádeginu löbbum við Sirocco heim. Ég fer í sturtu og geri mig fína. Pakka því sem ég ætla að taka með mér til Kalmar og svo förum við hingað á bílnum. Er að vonast til að geta laumast út uppúr þrjú bara svona afþví að yfirmaðurinn ómissandi er að skemmta sér í útlöndum. Og þá ætti ég að vera komin til míns elskulega um fimm sem er fínt.

Horfði á dvd Menn sem hata konur í gær. Aðalega fyrir Mola því henni er búið að líða mjög illa yfir að ég var ekki búin að sjá hana. Ég hélt að þetta væri allt öðruvísi mynd og þótti mér hún ágæt. Já eða bara fín.

Not to self: Láta taka mynd og endurnýa ökuskírteinið! Garva í því í næstu viku!!

Góða helgi gott fólk!

NEI

Mér finnst ekki gaman að vera ein heima. Ætlaði að gista hjá ástinni einu og fara heim snemma í morgun. Úr því varð ekki þar sem ég gat ekki sofnað. Því brunaði ég heim og var komin um 3 í morgun. Svaf svo hálf partinn yfir mig og kúldraðist á fætur rétt fyrir átta.

Sumar nætur eru svona.

Fór svo bara beint að sækja Sirocco á hunda dagheimilið því ég ætla ekki að vera alein og hundlaus því það er bara of mikið fyrir mig! Mætti hér svo um hálf níu sem var allt í lagi því síminn hér var meðfluttur í gemsann minn.

Sjúkt gaman í gær. Alveg frábært kvöld. Pablo líkur sjálfum sér og strákarnir tveir sem hituðu upp fyrir hann voru als ekki síðri. Mér tekst þó ekki að finna nöfnin á þeim þó ég sé búin að leita.

Ég veit ekkert um helgina enn, mig langar náttúrlega til Igelösa en verð að bíða og sjá hvað foreldrar mínir elskulegir eru að spá. Það er sennilega dónalegt að vera ekki heima ef þau koma í heimsókn.

Ætla heim í hádeginu og leggja mig í hálftíma, ég er orðin of gömul til að vera úti til þrjú á morgnana ef ég á að vinna daginn eftir.... ZzzzzZzzzz

pablo Francisco

http://www.youtube.com/watch?v=ls5E8H_bhIg&feature=related

Get bara ekki lagt beina slóð en endilega farið þarna inn og skoðið!

Sá dvd með þessum fyrir nokkrum vikum og hann er frábær. Svo skringilega vildi svo til að Micke var að kaupa miða á einhvað allt annað og rak augun í Pablo sem er að skemmta í kvöld. Við eigum sem sé miða og förum í kvöld. Þetta er í Kalmar og þar sem sumir hafa í ýmsu að snúast restina af vikunni verður hann svo skilinn eftir þar.

Vesalings ég er að vinna á morgun svo ég þarf að pilla mig heim eftir sýninguna. Svo var ég að spá í að reyna að njóta þess að vera ein heima nokkra daga. Engin plön fyrir helgina komin en kannski koma foreldrar mínir hingað og þá væntanlega með kofa reyktu hrossabjúgun sem gleymdust þegar Hófa og Co komu.

Hver veit, kannski að þetta verði róleg helgi.....

Þriðjudagar = þvottadagar

Það virðist vera. Er með þvottatíma sem ég man eftir í kvöld svo þetta verður svona hressilegur dagur. Vinna fram að þvottatíma og þvo fram að háttatíma. Jibby!

Tek pásu til að fá mér í sarpinn ásamt sambýlingnum. (Æi ég kalla hann það bara, enda meira eða minna satt í augnablikinu).

Ég var mjög fegin þegar ég komst heim í gær. Langt síðan ég var svona þreytt síðast. Svo var kvöldið rólegt. Ég eldaði og við borðuðum. Horfðum á dvd og vorum ákaflega sammála um að það væri fínt að fara að sofa klukkan tíu. Svaf svo eins og steinn þangað til klukkan hringdi í morgun. Dásemd!

Það er enn kvalafullt að labba en harðsperrurnar eru einhvað að minka. Heppin!!

Gautaborg

Á laugardag skelltum við okkur til Gautaborgar. Það stóð til að hlusta á músík einhverstaðar en þann stað fundum við aldrei svo við vorum bara einhvað að dúlla okkur. Mér tókst að tína manninum mínum tvisvar og í annað skiptið all rækilega. Ég vafraði um götur borgarinnar hálfa nóttina og leitaði að honum um allt. Eftir einhverja klukkutíma í morgunsárið fann ég loks kauða. Labbaði fram á hann á einu götu horninu. Þá vorum við sem sé búin að leita að hvort öðru um alla Gautaborg og það hlýtur að teljast til tíðinda að finna einhvern sem maður tínir í svona stórri borg. Ekki bara einu sinni heldur tvisvar.

Um ellefu skelltum við okkur í Liseberg og fórum í nokkur tæki. Við fengum okkur snæðing á Hard Rock og fimm mínótum áður en bilahúsið þar sem bíllinn var læsti fyrir nóttina ókum við út með bílinn. Við vorum komin heim um að verða 3 um morguninn. Ég skellti mér í bólið og svaf nokkra tíma í fötunum undir sæng. Harðsperrurnar eru gífurlegar eftir allt þetta labb um nóttina. Er alveg að drepast í löppunum.

Í augnablikinu er ég að bíða spennt eftir að klukkan verði níu og þá skrepp ég frá og sæki Sirocco minn. Mikið óskaplega sakna ég hans alltaf þegar hann er ekki þar sem ég er.

Hafið það gott og hugsið til mín, þar sem ég sit alveg uppgefin eftir helgina.