Aids

Ég var að sporðrenna risamuffins ásamt kaffi og skelli hlægja af fíflinu henni Birnu sem býr líka í þessum kropp. Hún er sko nefnilega í megrun. Það er ég ekki Muuuoahahahah.

Horfði á Philadelphia með Tom Hanks í gær. Þar höfum við einn af þessum gaurum sem leika vel, er sennilega með í klúbbnum hennar Sally.

En hvernig er það, eru allir búnir að gleyma aids. Er Aids ekkert stór mál lengur. Myndin er frá 1993 og lýsir ágætlega hvernig þetta var. Ég ólst upp í aðal histeriunni varðandi aids og nota smokka og ekki nota notaðar sprautur og ertu búin að láta testa þig og passaðu þig passaðu þig passaðu þig því ef þú fært Aids ertu dauð.

Fólk (evrópskt , hvítt fólk og þekkt vinsælt fólk) hrundi niður allstaðar úr þessum viðbjóðslega sjúkdómi og allir voru hræddir. En hvað er að ske núna? Fólk (aðalega svart fólk í afriku) hrinur enn niður allstaðar hringinn í kringum hvort annað en enginn er lengur hræddur.

Á sínum tíma var Aids homma og eiturlyfjasjúklinga sjúkdómur og ekki gert mikið í málinu. Svo fór "fínna fólk" að fá þetta líka og hjólin fóru að snúast. Læknar og ýmiskonar sérfræðingar unnu myrkranna á milli við að finna lausn á þessum vanda. Tókst þeim það svona vel, þarf maður ekki að vera hræddur um að fá eyðni lengur? Tja, sko ef maður er hvítur og býr í Evrópu meina ég....