Alveg búin á því

Þvílík törn sem er búin að vera í vinnu skrattanum. Ég tek sumarfrí á mánudag, er þá að fara með Timmy í aðra svona coritson sprautu. Frí á Þriðjudag í staðinn fyrir miðvikudags fríið mitt og svo byrjar launa ballið.

Fyrir annað fyrirtækið er það nú bara léttur polki en fyrir hitt omg. Það tekur 2 daga að gera laun fyrir 5-6 stráka. Stéttarfélagið þeirra er algjört met í að búa til flóknar reglur sem gera strákunum lífið leitt. Þeir meiga td einungis vinna 16 yfirvinnu tíma á mánuði. Einnig má ekki borga þeim hærri laun en 19 897,00 sænskar krónur og ef maður vill borga meira en það þá verður það að heita bónus. Sko ekki það að stéttarfélögin megi ekki hafa þetta nákvæmlega eins og þau vilja en hatar þetta stéttarfélag meðlimina virkilega svona mikið?

Mesta vinnan fyrir mig er semsé að reyna að koma laununum sem við viljum borga þeim til þeirra án þess að stéttarfélagið geti kært okkur fyrir að borga þeim of mikið og láta þá vinna eins mikið og þeir sjálfir vilja. Er þetta ekki örlítið furðulegt dæmi?? Nei ég spyr!